Úndistanda sý tasqynynan qaza tapqandar sany 1400 adamnan asty
ASTANA. QazAqparat - Úndistanda tolassyz jańbyr maýsymy bastalǵaly beri kóz jumǵan adamdar sany 1400-den asty. Tabıǵı apattan anaǵurlym zardap shekken Kerala shtatynda 488 adam mert bolǵan. Bul týraly eldiń Іshki ister mınıstrligine silteme jasap Sınhýa agenttigihabarlady.
Úndistan ІІM deregine sáıkes, eldiń ońtústigindegi Kerala shtatynda mundaı sý tasqyndary sońǵy júz jylda bolmaǵan. Tasqyndar saldarynan 14 ýezde 5 mln 411 myń adam zardap shekti. Tabıǵı apat zardabyn joıýǵa kómektesetin lagerlerdiń ortalyqtary lyq tolǵan. 57 myń gektar aýylsharýashylyq daqyldary joıyldy.
Sý tasqynynan Ýttar-Pradesh jáne Batys Bengalııa shtattaryna da aıtarlyqtaı zaqym keldi. 200-den astam adam qaza taýyp, 100 myń gektar egistik jaramsyz bolyp qaldy.
Úndistanda maýsym aıynan qyrkúıekke deıin jaýyn-shashyn maýsymy bolady. Bul ýaqytta sý tasqyndary, laı kóshkinderi jáne basqa da tabıǵı apattar jıi oryn alady.
Foto: images-cdn.impresa.pt
