Úndistanda sý tasqynynan 50 adam qaza tapty
ASTANA. 22 tamyz. QazAqparat - Úndistannyń shyǵysyndaǵy Batys Bengalııa shtatynda tolassyz jaýǵan aq jaýynnyń saldarynan sý tasyp, 50-den astam adam qaza boldy,
dep habarlaıdy «Eho planety».
Shtat ózenderindegi sý deńgeıiniń kóterilýinen ondaǵan eldi meken sý astynda qaldy. Úısiz-kúısiz qalǵandardyń sany shamamen 300 myń adamǵa jetedi.
Batys Bengalııada joldy sý alyp, temirjol qatynasy úzildi. Zardap shekken aımaqtardyń turǵyndary shatyrly lagerlerge, mektep pen memlekettik mekeme ǵımarattaryna kóshirilýde. Ásirese aýyl sharýashylyǵy jerleri tabıǵattyń tosyn minezinen aýyr zardap shekti. Apatty aımaqta qazir qutqarýshylar, áskerıler qyzmet kórsetýde.
Jańbyr saldarynan Bıhar, Assam, Ýttar-Pradesh shtattarynda da kúrdeli jaǵdaı qalyptasqan. Meteorologtardyń málimetteri boıynsha, sońǵy úsh táýlik ishinde bul aımaqtarǵa 850 mm. jaýyn-shashyn túsken. Bul shtattarda da birneshe eldi meken sý astynda qalyp, kólik qozǵalysy toqtatylyp, birqatar aımaqtar jaryqsyz qaldy. Ýttarakhand pen Hımachal-Pradesh soltústik taýly shtattarynda da nóserlete jaýǵan jańbyr tolastar emes. Ol jaqta sel júrý saldarynan jaǵdaı tym ýshyǵyp tur.
