Úndistanda sý tasqynynan 15 adam ajal qushty
ASTANA. QazAqparat - Úndistannyń ortalyq jáne soltústik bóligin sý basyp jatyr. Sońǵy málimet boıynsha tasqynnan 15 adam ajal qushty. Bul týraly 24.kz telearnasy habarlaıdy.
Marqumdardyń arasynda bir otbasynyń alty birdeı múshesi bar. Olar opyrylyp qulaǵan úıdiń astynda qalǵan. Bul qaıǵyly oqıǵa Madhıa-Pradesh shtatynda boldy. Taǵy 6 turǵyn Mırzapýr qalasynda kólikpen kele jatyp, sý toly aryqqa túsip kóz jumǵan.
Budan basqa 3 adam jaraqat aldy. Tolassyz jaýǵan jańbyr 20-dan astam úıdi opyrǵan. Bılik halyqtan baspanalaryn tastap, qaýipsiz jaqqa kóshý qajettigin esertti. Qutqarý jumystary jalǵasyp jatyr.
