Úndistanda sý tasqynynan 121 adam qaza tapty
NUR-SULTAN. QazAqparat – Úndistannyń Kerala shtatynda bolǵan sý tasqyny saldarynan 8 tamyzdan beri kem degende 121 adam qaza tapty, dep habarlaıdy QazAqparat India Today basylymyna silteme jasap.
El úkimeti jarııalaǵan derekterge súıensek, Malappýram aýdany kóp zardap shegip otyr, munda 58 adam opat bolǵan. Budan bólek, Kojıkode aýdanynda 17, Vaıanadta 12 adamnyń ómiri qıylǵan.
Tasqynnan týǵan oqys oqıǵalardan zardap shekkender de az emes. Habarlarǵa qaraǵanda, 40 adam jaraqat alyp, taǵy 2 adam habar-osharsyz ketken.
Topan sý 1 789 úıdi shaıyp ketti, 26 000 adam ýaqytsha lagerlerdi panalaýǵa májbúr bolyp otyr.
