Úndistanda sý tasqynynan 11 adam qaza tapty
NЬıÝ-DELI. QazAqparat – Úndistannyń soltústik-shyǵysyndaǵy Assam shtatynda 2,6 mln astam adamǵa sý tasqynynan qater tónip tur, dep habarlaıdy QazAqparat TASS agenttigine silteme jasap.
Tabıǵat apatynan osy ýaqytqa deıin 11 adam kóz jumdy. Oǵan bir aptadan beri tolassyz jaýǵan nóser sebep boldy. Sý tasqyny 3 myńǵa jýyq eldimekendi qamtyǵan. 17 myń adam jergilikti bılik uıymdastyrǵan ýaqytsha lagerge jaıǵastyryldy. Jergilikti NDTV telearnasynyń málimetinshe, shtattaǵy 33 okrýgtyń 28-inde sel júrip, 87 myń gekter aýyl sharýashylyǵy jeri sý astynda qalǵan.
Nóser jaýyn men sý tasqyny Assamnyń ınfraqurylymyn qıratyp ketti, kóptegen joldar men kópirler búlingen. Ataqty Kazıranga qoryǵynyń basym bóligin sý basty. Aıta keteıik, munda úndi múıiztumsyǵy jáne basqa da sırek kezdesetin janýarlar mekendeıdi.
Foto: AFP
