Úndistanda sý tasqyny qurbandarynyń sany 27-ge jetti
ASTANA. QazAqparat - Úndistannyń ortalyq jáne soltústik bóliginde nóser jaýynnyń arty sý tasqynyna ulasty, saldarynan 27 adam qaza tapty.
Budan buryn 15 adamnyń mert bolǵany jarııalanǵan, dep habarlady RIA Novostı.
Madhıa-Pradesh, Radjastan jáne Ýttarakhand shtattarynda jumadan beri nóser jaýyn quıyp tur. Qurbandardyń basym bóligi Madhıa-Pradesh shtatynda tirkeldi, munda 15 adam ajal qushty, dep jazdy Hindu basylymy.
Radjastanda 5 adam qaza taýyp, birneshe adam habar-osharsyz ketti. Ýttarkhandta 7 adam kóz jumdy, eki adam joǵalǵandar qatarynda.
Úndistan armııasy óńirde zardap shekkenderge gýmanıtarlyq kómek jetkizip jatyr jáne qutqarý jumystaryna qatysýda.
