Úndistanda sý tasqyny 220-dan astam adamnyń ómirin qıdy
ASTANA. QazAqparat - Úndistanda sý tasqyny qurbandarynyń sany 220 adamnan asty, dep habarlady RIA Novostı eldiń ishki ister mınıstrligine silteme jasap.
Budan buryn 180-nen astam adamnyń qazaǵa ushyraǵany habarlanǵan bolatyn.
Birden bes shtatty qamtyǵan nóser jańbyr Úndistannyń shyǵysy men batysynda sý tasqynyna ákep soqty. Batys Bengalııa, Manıpýr, Radjastan, Gýdjarat jáne Odısha shtattaryndaǵy qutqarý operatsııalaryna qutqarýshylarmen qatar, armııa bólimsheleri men áskerı avıatsııa jumyldyryldy.
Ótken jylǵy Úndistan men Pákistannyń soltústik aýdandaryndaǵy sý tasqyny saldarynan 440-tan astam adam qurban bolǵan edi.
