Úndistanda sý perisi sındromyna shaldyqqan sábı dúnıege keldi (FOTO)
ASTANA. QazAqparat - Ýttar-Pradesh shtatynyń Saharanpýr qalasyndaǵy perzenthanada bolǵan oqıǵadan jurt jaǵasyn ustady. Munda aıy-kúni jetken 22 jastaǵy kelinshek denesiniń tómengi bóligi tutasyp qalǵan sábıdi dúnıege ákeldi, dep jazady 24.kz.
Tipti osyǵan baılanysty balanyń jynysyn anyqtaý múmkin bolmaǵan. Medıtsına tilinde sırenomelııa («sırena» - lat. sý perisi) sındromy atalatyn dertke shaldyqqan shaqalaq nebári 10 mınýt ǵana ómir súrip shetinegen, dep habarlaıdy Daily Mail. Jalpy sırenomelııa - deneniń tómengi bóliginiń birtutas bolýy derti.
Kelinshekti bosandyrǵan gınekolog Vandana Arııa bylaı deıdi: «Dene kemistigi bar talaı sábıdiń dúnıege kelgenin kórdim. Biraq, bul joly týylǵan shaqalaqtyń jóni bólek boldy. Onyń dene pishini balyqqa óte uqsas bolyp, qoldaryn balyq qanatyn qalaı sermese, ol da solaı qozǵaltty. Denesiniń ústińgi bóligi sap-saý bolyp týylyp, tómengi jaǵy damýsyz qalǵan bolyp shyqty».
Sábıdiń anasy júktiliktiń 30 aptasyna deıin eshnársege shaǵymdanbaǵan. Al odan soń ýltradybyspen zertteý kezinde balanyń búırekteri damymaı qalǵany belgili bolypty. Dárigerlerdiń aıtýynsha, sý perisi sındromyna kelesi jáıtter sebep bolýy múmkin: dári-dármekti júktilik kezinde shekten tys kóp ishý, dárýmen jetispeýshiligi, tuqym qýalaý, dıabet.
