Úndistanda sý qorshaýynda qalyp qoıǵan poıyzdan bir myń jolaýshy qutqaryldy
NUR-SULTAN. QazAqparat – Senbi kúni Indııanyń batysynda alapat sý tasqyny saldarynan sý ortasynda qalyp qoıǵan jolaýshylar poıyzynan qutqarylǵandar sany myńnan asty, dep habarlaıdy QazAqparat.
Bul týraly jýrnalısterge Úndistan Ortalyq temirjolynyń ókili Sýnıl Ýdası aıtty.
«Jalpy 1050 jolaýshy qaýipsiz jerge shyǵaryldy. 19 vagonnan jasaqtalǵan arnaıy poıyz osy jolaýshylardy Kolhopýrǵa deıin jetkizedi»,- degen Ýdasıdiń sózin keltiredi Times of India gazeti. Al budan buryn 700 jolaýshynyń qutqarylǵany habarlanǵan edi.
Asa qýatty mýssondyq nóser saldarynan bolǵan sý tasqyny temirjol platformasyn basyp qalǵan. Atap aıtqanda, juma kúni keshqurym Mýmbaı – Kolhapýr baǵdarynda jolǵa shyqqan poıyz tún jarymynda, Mýmbaıdan 60 shaqyrym jerde sý qorshaýynda qaldy.
Júzdegen jolaýshylar uıaly telefondarymen kómekke shaqyrdy. Olardyń keıbireýleri poıyz quramyn der kezinde tastap shyǵa aldy, biraq kóptegen jandar: áıelder, baalalar men qarttar bıiktigi 1,5-2 metrge jetken sý qorshaýynda qalyp qoıdy.
Jolaýshylar 15 saǵattan astam ýaqytty sýsyz, tamaqsyz ótkizgen.
Qutqarý operatsııasyna motorly qaıyqtar, áskerı tikushaqtar, sondaı-aq áskerı qyzmetshiler jumyldyryldy.
