Úndistanda sportkar adamdardy qaǵyp ketti: 9 adam mert bolyp, 13-i jaraqat aldy
AHMADABAD. QazAqparat - Búgin túngi saǵat 1-diń shamasynda Ahmadabadtaǵy Sarheı-Gandınagar tasjolynda bolǵan eki kólik apatynan 9 adam mert bolyp, 13 adam jaraqat aldy, dep habarlaıdy QazAqparat Deccan Herald basylymyna silteme jasap.
Polıtsııanyń habarlaýynsha, bul jolda kólik apaty jıi bolyp turady.
Jol talǵamaıtyn kólik júkti ózi túsiretin kólikke soǵylyp, tasjolda keptelis ornaǵan.
Sol kezde zardap shekkenderge kómektesip jatqan bir top adamǵa «ıAgýar» markaly sport kóligi úlken jyldamdyqpen kelip soǵyldy.
Ahmadabad qalalyq polıtsııasynyń málimetinshe, 9 adam mert bolyp, 13 adam jaraqat alǵan. Onyń kóbi oqıǵa ornynan shamamen 20-25 fýt qashyqtyqqa ushyp ketti.
Gýdjarat shtatynyń bıligi apattan qaza tapqandardyń otbasylaryna 4 myń rýpııa, al zardap shekkenderge 50 myń rýpııa kóleminde ótemaqy tóledi, dep habarlady The Indian Express.
Polıtsııanyń málimetinshe, zardap shekkenderdiń arasynda sporttyq kóliktiń júrgizýshisi de bar.
