Úndistanda sıyrlar úshin «baılanys jelisi» ashyldy
ASTANA. QazAqparat - Úndistandyq Harıana shtatynda sıyrlar úshin «baılanys jelisin» ashty.
Úndistandyq Harıana shtatynda táýlik bolyp jumys jasaıtyn sıyrlarǵa arnalǵan «baılanys jelisi» ashyldy. Bul adamdardyń iri qaraǵa qatysty qylmys týraly, máselen zańsyz eksport pen soıýy týraly aqparatty habarlaýy úshin ashyldy, dep habarlaıdy sheteldik BAQ.
«Baılanys jelisiniń» qyzmetkerleri aqparatty ókiletti quqyq qorǵaý organdaryna joldaıdy. Osylaısha, shtat bıligi eldegi qasıetti janýardy qorǵamaq. Sıyrdy óltirý dinı senimdegi adamdardy qorlaý ǵana emes, sonymen qatar Úndistannyń keı aýdandarynda aýyr qylmys bolyp sanalady. Harıana shtatynda 2015 jyldan zań kúshke endi. Oǵan sáıkes mundaı qylmys úshin 10 jylǵa deıin qamaýǵa alý qarastyrylǵan.
