Úndistanda sıyr etin tasymaldaǵandar ómir boıy bas bostandyǵynan aıyrylýy múmkin
ASTANA. QazAqparat - Úndistandaǵy Gýdjarat shtatynyń bas mınıstri Vıdjaı Rýpanı onyń úkimeti kelesi aptada sıyr soıǵandar men sıyr etin tasymaldaǵandardy ómir boıyna bas bostandyǵynan aıyrýdy kózdeıtin zań jobasyn engizetinin málimdedi, dep habarlady Life.ru.
Qazirgi ýaqytta úndilikter úshin kıeli sanalatyn maldy soıǵany úshin bar bolǵany jeti jylǵa sottaý kózdelgen.
- Zańnyń barynsha qatań bolǵanyn qalaımyz, - dedi ulttyq Úndistandyq halyq partııasynyń ókili Rýpanı. - Zań jobasynda sıyr soıǵandar nemese sıyr etin tasymaldaýǵa belsendi qatysqandar ómir boıyna bas bostandyǵynan aıyrylatynyn kórsetemiz. Olardyń kólikteri de tárkilenedi.
Brıtandyq The Guardian gazetiniń jazýynsha, qazirgi ýaqytta 29 shtattyń tek segizinde ǵana sıyr etin jeýge ruqsat bar.
