Úndistanda shatqalǵa qulaǵan jolaýshylar avtobýsy bir sharýany basyp qaldy
ASTANA. QazAqparat - Búgin tańerteń Úndistannyń soltústigindegi Djammý jáne Kashmır shtatynyń taýlarynda jolaýshylar avtobýsy apatqa ushyrady.
Jergilikti polıtsııanyń aldyn ala málimetterinshe, taýdaǵy kúre joldyń kúrdeli ýchaskeleriniń birinde júrgizýshi avtobýsty basqara almaı, sonyń saldarynan ishinde qyryq jolaýshysy bar avtobýs 10 metr bıiktikten shatqalǵa qulady, dep habarlaıdy TASS.
Oqıǵa saldarynan bir adam qaza tapty. Polıtsııanyń málimetteri boıynsha, taýdyń jıeginde jumys istep jatqan jergilikti sharýa qulaǵan avtobýstyń qurbany boldy. Bul rette jolaýshylar arasynda qaza tapqandar joq: 43 adamnyń barlyǵy jaraqattar alyp, aýrýhanaǵa jetkizilgen.
