Úndistanda shaǵyn avtobýs shatqalǵa qulap, keminde 17 adam mert boldy
ASTANA. QazAqparat - Úndistannyń Hımachal-Pradesh shtatynda adamdar toly shaǵyn avtobýs taýly shatqalǵa qulady. Keminde 17 adam mert bolyp, 20-ǵa jýyǵy zardap shekti, dep habarlady RIA Novostı úndistandyq IANS aqparattyq agenttigine silteme jasap.
Jergilikti ókimet oryndarynyń málimetterine qaraǵanda, oqıǵa dúısenbi kúni, 7 sáýirde Shıllaı qalasynyń mańynda bolǵan. Shaǵynavtobýs tereńdigi 120 metrdeı shatqalǵa qulaǵan. Qurban bolǵandar sany arta túsýi múmkin, óıtkeni zardap shekkenderdiń kópshiligi aýyr halde.
Qaıǵyly oqıǵa sebepteri anyqtalýda. Kýágerlerdiń aıtýynsha, shaǵyn avtobýstyń aldyńǵy dóńgelekteriniń biri ushyp ketken.
Polıtsııanyń málimetteri boıynsha, jyl saıyn Hımachal-Pradeshte jol-kólik oqıǵasynan 800-den astam adam ajal qushady.
