Úndistanda selfıdiń kesirinen 76 adam qaıtys boldy
ASTANA. QazAqparat - 2014 jyldan beri keminde 127 adam selfı jasaý kezinde mert boldy. Karnegı-Mellon ýnıversıtetiniń zerteýshileri osyndaı baılamǵa kelip otyr, dep habarlady Mashable basylymy seısenbi kúni.
Ǵalymdar selfıdiń kesirinen ásirese úndistandyqtardyń kóp ajal qushatynyn anyqtady. Zertteý barysynda qarastyrylǵan qaıǵyly jaǵdaılardyń jartysy osy elde bolǵan. Ekinshi orynda 9 adamynan aıyrylǵan Pákistan tur. Sondaı taǵy AQSh-tyń - 8, Reseıdiń - 6, Qytaıdyń 4 turǵyny selfıdiń qurbanyna aınalǵan, dep jazady lenta.ru.
Úndistanda selfıdiń kesirinen ajal qushqandardyń basym bóligi sýǵa batyp ketkendigi aıtylady. Ádette áıelderdiń ózderin sýretke túsirýge qumar ekendigi belgili jáıt bolǵanymen ajal qushqandardyń 75,5 paıyzyn er azamattar qurap otyr. Buǵan qosa ózin sýretke túsirem dep kóz jumǵan 127 adamnyń 86-sy 24 jasqa deıingi órender.
Qazan aıynda AQSh-tyń Tehas shtatynda joǵary oqý ornynyń stýdenti kólik basqaryp kele jatyp, erotıkalyq selfı jasamaq bolǵan kezinde polıtseılerdiń kóligine soǵysyp mert bolǵandyǵy habarlanǵan bolatyn.
