Úndistanda selfı úshin kobrany súımek bolǵan jasóspirim ajal qushty
ASTANA. QazAqparat - Úndistandyq Mýmbaıda zooortalyq qyzmetkeri Somnat Mhatre (Somnath Mhatre) kobra shaǵyp, kóz jumdy. Fotoǵa jylandy súıip túspek bolǵan sátte ony shaǵyp alǵan. Bul týraly Daily Mirror jazdy.
18 jastaǵy erikti jylandarǵa qamqorshy bolǵan, budan buryn 100-ge jýyǵyn qutqarǵan da. Ol ormannan taýyp alǵan kobrany kólikpen zooortalyqqa jetkizbek edi. Ákelgen soń baýyrymen jorǵalaýshyny betine taqap, sıpap, sosyn selfıge túspekshi bolǵan, alaıda jylan onyń moınynan shaǵyp aldy.
Jasóspirimdi dereý aýrýhanaǵa jetkizdi, dárigerler 5 kún onyń ómirin saqtap qalý úshin kúresti. Soǵan qaramastan, Mhatre jylan ýynan kóz jumdy.
