Úndistanda salynyp jatqan kópir taǵy da opyryldy
ASTANA. QazAqparat – Úndistannyń Bıhar qalasynda Ganga ózeninde salynyp jatqan tórtjolaqty Sýltangandj-Agýanı Ghat kópiri qurylys kezindegi qatelikten opyrylyp qulady, dep habarlaıdy QazAqparat Times of India-ǵa silteme jasap.
Málimetke sáıkes, kem degende 30 plıtanyń dińgekteri qulaǵan.
Bul osy kópirdegi ekinshi jaǵdaı. 2022 jyldyń sáýirinde №4, 5 jáne 6 dińgekteri qıraǵan bolatyn. Oqıǵa bekitilmegen kabel baǵanynan bolǵan. Turǵyndardyń bir bóligi buǵan sapasyz qurylys materıaldaryn paıdalanǵan qurylysshylardy kinálaýda.
Bılik ókilderi kópir konstrýktsııasynyń qulaý sebebin tekserip, kinálilerdi anyqtaýǵa jáne olarǵa qatysty qatań sharalar qoldanýǵa tapsyrma berdi. Kópir qurylysy 2020 jyldyń naýryzynda aıaqtalýy tıis edi, biraq ol úsh jyldan astam ýaqytqa sozylyp ketti.
