Úndistanda Ratangar ǵıbadathanasyndaǵy qyspaqta qaza bolǵandar sany 109 adamǵa jetti
ASTANA. 14 qazan. QazAqparat - Naqtylanǵan málimetter boıynsha Úndistanda Ratangar ǵıbadathanasyndaǵy qyspaqta ólgender sany 109 adamǵa jetti. Buǵan deıin 89 adamnyń qaza tapqandyǵy týraly aqparat taraǵan edi, dep habarlady RBK.
Jergilikti polıtsııa habarlamasyna qaraǵanda, qarańǵy túsýine baılanysty zardap shekkenderge kómek kórsetý toqtatyldy, tańerteń jalǵasatyn bolady.
Madhıa-Pradesh shtatyndaǵy ǵıbadathanaǵa eldiń túkpir-túkpirinen shamamen 150 myń adam úndisterdiń Dýssehra meıramyna jınalǵan. Tabynýshylar Sınd ózeniniń ústimen ótetin kópirmen ǵıbadathanaǵa bettegende kópirdiń sharbaqtary synyp, sodan baıbalam bastalǵan.
Aıta keterligi, mundaı dinı meıram kezindegi qaıǵyly oqıǵa Úndistanda jıi qaıtalanyp turady. Máselen, ótken jyly osyǵan uqsas oqıǵa kezinde ondaǵan adam qaza tapqan bolatyn. 2008 jyly úndisterdiń Chamýdna Devı ǵıbadathanasynda 220-dan astam taptalyp, qaza tapqan edi.
