Úndistanda prezıdent saılaýy bastaldy
ASTANA. QazAqparat - Búgin Úndistanda prezıdent saılaýy ótedi. 2007 jyldan beri elde memleket basqarǵan alǵashqy áıel atanǵan Pratıbha Patıldiń ornyna birneshe kandıdat úmitker bolyp otyr.
Atap aıtqanda, búgingi saılaýǵa burynǵy qarjy mınıstri, Birikken progressıvtik alıans koalıtsııasy usynǵan Pranab Mýkerdjı, burynǵy parlament spıkeri, jalǵyz oppozıtsııalyq kandıdat Pýrno Agıtokom Sangmoı, sonymen qatar, Bharatııa djana partııasy (Úndi halyqtyq partııasy) men Annadýraı atyndaǵy búkilúndistandyq dravıd federatsııasy qatysady.
Aıta keteıik, memleket basshysy birneshe ret qaıta saılanýy múmkin, alaıda Úndistan táýelsizdigin alǵan sátten beri 1947 jyly Rdjendra Prasad qana bul laýazymǵa eki ret saılanǵan bolatyn (1950-1962 jyldary).
Úndistan prezıdenti memleket basshysy bola otyryp, Qarýly kúshterdiń joǵarǵy bas qolbasshysy jáne aıtarlyqtaı bılikke ıe bolady. Daýystardy sanaý jeksenbige qaraı aıaqtalyp, prezıdentti ulyqtaý rásimi 25 shilde kúni ótkizilmek.
