Úndistanda poıyzben selfıge túspek bolǵan stýdentter mert boldy
ASTANA. QazAqparat - Soltústik Úndistanda ózderin jaqyndap kele jatqan poıyzben sýretke túspek bolǵan úsh stýdent qaza tapty.
Respýblıka kúnin Táj Mahal kesenesine baryp atap ótpekshi bolǵan tórt dos Agraǵa kele jatqan edi. Jolda olardyń birine áleýmettik jelilerde kóp «laık» jınaıtyn sýretke túsý týraly oı keledi, dep jazady Vestı.
Poıyzdyń kele jatqanyn alystan baıqaǵan úsh stýdent ol jetkenshe temir jolǵa shyǵyp, uıaly telefondarymen óz-ózderin sýretke túsire bastaıdy, tórtinshisi bolsa barlyq topty syrtynan túsirip turǵan. Onyń aıtýynsha, dostaryna qaýip tónip kele jatqany týraly eskertkenine qaramastan, olardyń óz isterine eligip ketkeni sonshalyq, joldan ýaqytyly sekirýge úlgermeı, poıyzdyń astynda qalǵan.
