Úndistanda poıyz júk kóligimen soqtyǵysyp qaldy: 12 adam qaza tapty
ASTANA. Qarashanyń 2-si. QazAqparat - Úndistanda temirjolda taǵy da tótenshe oqıǵa oryn aldy. Eldiń soltústiginde bolǵan temirjol apaty kem degende 12 adamnyń ómirin qıdy,
dep habarlaıdy «Sınhýa» agenttigi.
Oqıǵa Ýttar-Pradesh provıntsııasynda, temirjol poıyzy júk kóligimen soqtyǵysyp qalǵan kezde boldy. Polıtsııa ókilderiniń habarlaýynsha, jolaýshylar poıyzy temirjol ótkelderiniń birinde qum tıelgen júk kóligine soqtyǵysyp qalǵan.
Oqıǵa saldarynan, eń kem degende, 12 adam qaza tapty, 20-dan astam adam jaraqattandy. Jol apatynyń sebebi ázirge belgisiz. Іstiń mán-jaıy tekserilýde.
Esterińizge sala keteıik, qazan aıynyń sońynda Úndistanda eki poıyz soqtyǵysyp qalyp, oqıǵa saldarynan 10-nan astam adam qaza tapqan edi. Ol jaǵdaı Agra qalasynyń mańynda oryn aldy.
