Úndistanda poıyz merekege qatysyp jatqan halyqty basyp ótti
ASTANA. QazAqparat - Úndistanda poıyz merekege qatysyp jatqan halyqty basyp ótti. Bul týraly www.bbc.com habarlaıdy.
Agenttik málimetterine qaraǵanda, oqıǵa Úndistannyń soltústigindegi Pendjab shtatynyń Amrıtsar qalasynda bolǵan. Poıyz merkege qatysyp jatqan halyqty basyp ótip, oqıǵanyń saldarynan 60 adam mert bolyp, 100-ge jýyǵy jaraqat alǵan. Bul týraly Bı-bı-sıge jergilikti polıtsııa habarlaǵan.
Qaıǵyly jaǵdaı bolǵan jerde ındýısterdiń basty merekeleriniń biri - Dýsshera, ıaǵnı meıirimdiliktiń zulymdyqty jeńý meıramy ótip jatqan. Poıyz qaqqanda júzdegen adam relste turyp saıtandar koroli Ravananyń beınesindegi qýyrshaqtyń órtengenin baqylap turǵan, dep habarlaǵan Bı-bı-sı tilshisine oqıǵanyń kýágerleri.
Olar sonymen qatar qýyrshaqtyń jarylǵysh zattarǵa toly bolǵanyn, sonyń daýsynan merekege qatysýshylardyń poıyzdyń kele jatqanyn baıqamaı qalǵandyǵyn aıtty. Bul jerde halyqty tolǵandyryp otyrǵan basty saýal - nege mashınıst quramdy toqtatpady degen másele bolyp otyr.
Foto: belta.by
