Úndistanda poıyz apaty qurbandarynyń sany 100 adamǵa jetti
ASTANA. Mamyrdyń 29-y. QazAqparat - Úndistannyń shyǵysyndaǵy Batys Bengalııa shtatynda bolǵan jolaýshylar poıyzy apaty qurbandarynyń sany ósýde,
dep habarlady RBK agenttigi.
Sońǵy málimetter boıynsha, temirjol apaty saldarynan 100 adam qaza boldy, taǵy 145-ten astam adam jaralandy. Budan buryn 72 adamnyń qazaǵa ushyraǵany habarlanǵan bolatyn.
Polıtsııa temirjol apaty lańkestik saldarynan bolǵanyna kúmán keltirmeıdi, dep habarlady Bı-Bı-Sı. Batys Bengalııada úndilik maoısterdiń yqpaly kúshti, olar 1967 jyldan beri el úkimetimen jaýlasyp keledi. Alaıda qozǵalys ókilderi qandaı da bir oqıǵalarǵa qatysyn joqqa shyǵaryp otyr.
Esterińizge sala keteıik, Úndistannyń shyǵysyndaǵy Batys Bengalııa shtatynda temirjoldaǵy jarylys juma kúnine qaraǵan túnde boldy. Temirjol tóseminiń zaqymdanýynan Gyaneswari Express jolaýshylar poıyzynyń 13 vagony relsten shyǵyp ketti. Budan keıin bul vagondar qarsy kele jatqan taýarly poıyz quramymen soqtyǵysty.
