Úndistanda polıtsııa paraqordyń aqshasyn bir táýlik sanaǵan
ASTANA. QazAqparat - Úndistandyq Batys Bengalııa shtatynyń polıtsııasy para aldy degen kúdik týdyrǵan usaq sheneýniktiń úıinde jasyrynǵan aqshany sanaý úshin bir táýlik ýaqytyn ketirgen.
NDTV telekompanııasynyń aqparatynsha, Bellı qalasyndaǵy úıde quqyq qorǵaý organdarynyń qyzmetkerleri 200 mıllıon rýpıı (3 mıllıon dollardan astam) qolma-qol aqsha tapty. Olardyń barlyǵyn sanaý úshin úsh eseptegish mashına tartyldy. Osylaısha úrdiske 24 saǵat ketti. Sonymen qatar, quny 1,4 mıllıon rýpıı (shamamen 21 myń dollar) bolatyn asyl zattar tabyldy, dep habarlady lenta.ru.
Aktıvter mýnıtsıpaldyq qurylymdarda jumys istegen ınjenerdiń kishi kómekshisi Pranabý Adhıkarıden (Pranab Adhikari) tárkilendi. Onyń aılyq jalaqysy shamamen 45 myń rýpıı (691 dollar). Adhıkarı 25 jyl qatarynan qurylysqa ruqsat berý kezinde para aldy degen kúdik bar.
