Úndistanda polıtsııa men musylmandardyń arasynda bolǵan qaqtyǵysta 18 adam qaza boldy
ASTANA. Qyrkúıektiń 14-i. QazAqparat - AQSh-ta Qurandy qorlaý faktilerine narazylyq bildirgen Úndistannyń Kashmır shtatyndaǵy musylmandardyń polıtsııamen bolǵan qaqtyǵysynda 18 adam qaza boldy. VVS agenttiginiń habarlaýynsha, shtattaǵy qalalardyń kóshelerine shyqqan ondaǵan myń adam amerıkandyq svıaşennıkterdiń áreketterine narazylyqtaryn bildirgen, dep habarlaıdy RBK agenttigi.
Osyndaı oqıǵa Aýǵanstanda da oryn aldy. Qurandy órteý týraly úndeýge naryzylyq bildirgen musylman qaýym polıtsııamen qaqtyǵysyp qalyp, onyń saldary 2 adamnyń ólimimen aıaqtaldy, taǵy bes adam jaraqat aldy.
Esterińizge sala keteıik, florıdalyq shirkeýdiń pastory Terrı Djons 2001 jylǵy Nıý-Iorktegi lańkestik árekettiń qurbandaryn eske alý úshin qyrkúıektiń 11-inde Qurandy órteý týraly bastama kótergen bolatyn. Onyń bul úndeýi amerıkan basshylyǵynyń jáne álemdik qaýymdastyqtyń úzildi-kesildi narazylyǵyn týǵyzdy. Pentagon, Vatıkan, Aq úı ákimshiliginiń ókilderi jáne Barak Obamanyń ózi málimdeme jasap, bul aktsııany aıyptady. Qoǵamnyń jáne saıasatkerlerdiń qysymymen pastor T.Djons óz nıetinen bas tartqanymen, onyń ıdeıasyn basqa svıaşennıkter - Bob Old jáne Dennı Allen degen pastorlar júzege asyrdy. Amerıkandyq pastorlardyń bul áreketterine jaýap retinde úndilik musylmandar hrıstıan mektebi men shirkeýin órtep jiberdi.
