Úndistanda pırotehnıka zaýytyndaǵy jarylystan toǵyz adam qaza tapty
ASTANA. QazAqparat - Úndistandyq Maharashtra shtatyndaǵy pırotehnıka zaýytynda bolǵan jarylys saldarynan kem degende toǵyz adam qaza tapty, dep habarlady Bı-bı-sı.
Taǵy bes adam jaraqattandy. Oqıǵa Sanglı okrýginde dúısenbi kúni keshke Eagle Fireworks zaýytynda oryn alǵan.
Jarylystyń sebebi ázirge belgisiz.
Úndistandaǵy toılarǵa, festıvalderge, basqa da sharalarǵa feıerverk buıymdaryn jetkizetin pırotehnıka zaýyttarynda kezdeısoq jarylystar jıi bolyp turady.
2012 jyly ońtústiktegi Tamılnad shtatynda osyǵan uqsas jaǵdaı saldarynan 34 adam qaza taýyp, taǵy 30-y zardap shekti.
