Úndistanda pırotehnıka fabrıkasyndaǵy jarylystan 8 adam mert boldy
NЬıÝ-DELI. SINЬHÝA-QazAqparat – Úndistannyń ońtústigindegi Tamılnad shtatynda pırotehnıka fabrıkalarynyń birinde jarylys bolyp, 8 adam qaza tapty. 16 adam aýyr jaraqat aldy, dep habarlaıdy QazAqparat Sınhýa-ǵa silteme jasap.
Sınhýa agenttiginiń málimetinshe, oqıǵa Tamılnad ólkesine qarasty Kanchıpýram aımaǵynyń Kýrývımalaı aýdanynda oryn alǵan. Fabrıkada feıerverk daıyndaý úshin qoldanylatyn shıkizat kenetten tutanyp, jarylys bolǵan.
«Búgin Kýrývımalaı aýdanyndaǵy pırotehnıka fabrıkasynda jarylys boldy. Oqıǵa saldarynan sol jerde 5 adam kóz jumdy. Taǵy úsh adam alǵan jaraqatynan aýrýhanada qaıtys boldy», - dedi Kanchıpýram aımaǵy basshysynyń ókili.
Sheneýnikterdiń atap ótinshe, zardap shekken 13 adam Kanchıpýramdaǵy memlekettik aýrýhanaǵa jatqyzylǵan. Taǵy úsh adam Chennaı aýrýhanasyna jetkizilgen.
Polıtsııa qyzmetkerleriniń dereginshe, fabrıkanyń qıraǵan ǵımaratynda qutqarý operatsııasy júrgizilýde. Jarylys bolǵanda kezde kásiporynda 25-ten astam adam jumys istep jatqan.
