Úndistanda pil bes adamdy taptap óltirdi
NUR-SULTAN. QazAqparat – Úndistannyń soltústik-shyǵysynda Assam shtatynda pil tórt eresek adam men bir balany taptap óltirgen. Bul týraly sársenbi kúni Hindustan Times gazeti habarlady.
«Bes adam qaza tapty. Olar jolda kezdeskenniń bárine shabýyldaǵan pildiń qurbany bolǵan», - dep málimdedi okrýg basshysy.
Onyń aıtýynsha, bılik janýardy izdep, ony uıyqtatý úshin arnaıy komanda jibergen. Shtattyń úkimeti shabýyl qurbandarynyń otbasyna $5,6 myń kóleminde ótemaqy bóldi.
2010 jyldan beri Assam shtatynda 761 adam pilderdiń shabýylynan mert bolǵan.
