Úndistanda parom apatqa ushyrap, júzdegen adam sýǵa batyp ketti
ASTANA. 1 mamyr. QazAqparat - Búgin Úndistannyń soltústik-shyǵys Assam shtatynda Brahmapýtra ózeninde parom apatqa ushyrap, 100-den astam adam qaza tapty,
dep habarlady ITAR-TASS. Jergilikti polıtsııa málim etkendeı, taǵy da júzdegen adam iz-tússiz joǵaldy dep jarııalanýda.
«Nóser jańbyr adamdardy izdestirý jumystaryna kedergi keltirýde, aýdanda túk kórinbeıdi», - dedi polıtsııa qyzmetkeri. Ol sondaı-aq kemede sýǵa batyrmaıtyn qutqarý jıletteri men shlıýpkalardyń joq ekendigin atap ótti.
Aman qalǵan jolaýshylardyń biriniń sózine qaraǵanda, parom ishi adamǵa lyq toly bolǵan, tipti keıbireýleri onyń tóbesinde otyrǵan. Osy oqıǵany kórgenderdiń sózine qaraǵanda, Ońtústik Azııanyń eń iri sý kúre jolynyń birinde bastalǵan alapat daýyl kemeni qaq jaryp, ekige bólip jibergen.
Aıta keteıik, kemeniń bortynda 300-den astam adam men ekıkajdyń músheleri bolǵan.
150-ge tarta adam ózderi júzip jaǵaǵa jetken.
