Úndistanda ózge planeta turǵyndarynyń izi tabyldy
ASTANA. QazAqparat - Úndistannyń Antýrý atty aýylynda jat planetalyqtardyń izderi tabyldy, dep jazdy búgin 7daysnews.ru saıty.
Saıtta jarııalanǵan málimetterge qaraǵanda, ózge planeta turǵyndarynyń izi adamdardikine uqsas, olardyń ara qashyqtyǵy 1 metrge jýyqtaıdy.
Vladtaım basylymynyń jazýynsha, aýyl turǵyndary jergilikti bılik ókilderine tún ishinde orman jaqtan bireýdiń shyńǵyrǵan daýsyn estıtindikterin aıtyp, shaǵymdanǵan.
Adamdar qalyń ormanda tirshilik etýi múmkin belgisiz maqulyqtan qorqatyn kórinedi.
Bul aqparat ýfologtardy da qyzyqtyrmaı qoıǵan joq. Olar Antýrý aýylynda paıda bolǵan ózge planeta turǵyndaryniki dep boljanyp otyrǵan 30-ǵa jýyq izderdi zerttedi.
Jergilikti turǵyndar belgisiz maqulyq týraly aıtqanymen, zerteýshiler aýyl aımaǵynda ózge planeta turǵynynyń bolý múmkindigin aıtyp otyr. Keıbir turǵyndar ormanda alyp uabannyń paıda bolǵandyǵyn aıtyp, turǵyndardy odan saıyn úreılendirip otyrǵan kórinedi.
