Úndistanda óz qanynan músin jasaıtyn qolóner sheberi turady
ASTANA. 26 aqpan. QazAqparat - Úndistiń qolóner sheberi Hýssaını qannan músin jasaıtyn álemdegi jalǵyz adam.
Jýyrda ol Úndistannyń Tamılnad shtatynyń bas mınıstri Djaıaram Djaıalalıtanyń bıýstyn óz qanynan ázirlep shyqty, dep habarlaıdy BAQ.KZ.
Djaıalalıtaǵa bıyl - 65 jyl. Súıikti sheneýniginiń mereıtoıyna qolóner sheberi óziniń 11 lıtr qanyn jumsaǵan. Hýssaını 11 lıtrdi 8 jyl boıy tamshydan jınapty. Kerekti mólsher jınalǵannan keıin ol súıikti isine kirisken.
Músinniń jumysyna uzaq ýaqyt ketken joq, nebári bir kúnde sılıkon materıalynan bıýsttyń qańqasy jasalyndy. Keıin syrtynan qanmen qaptap, ony Hýssaını tońazytqyshqa salyp, qatyryp qoıǵan. Qan muzǵa aınalǵannan keıin ishindegi sılıkon ózi-aq túsip qaldy.
Músindi jansyz demeseńiz, Djaıalalıtadan aıyrmashylyǵy shamaly. Qazir sheber ony Tamılnadtaǵy úlken tońazytqyshqa salyp saqtaýda. Al, jaqyn kúnderi týyndy kópshiliktiń nazaryna usynylý úshin Nıý-Delıge jetkiziledi. Búginde el astanasyndaǵy óner akademııasynyń bir bólmesin mamandar músindi saqtaý úshin tońazytqyshqa aınaldyryp jatyr. Alaıda, onyń qansha ýaqytqa deıin turatyny belgisiz.
