Úndistanda órttiń saldarynan 73 adam qaza tapqan aýrýhananyń qojaıyny tutqynǵa alyndy
ASTANA. 10 jeltoqsan. QazAqparat - Kalkýtta qalasynda polıtsııa qyzmetkerleri órttiń saldarynan 73 adam qaza tapqan aýrýhananyń eki qojaıynyn tutqynǵa aldy.
Bul týraly jergilikti BAQ habarlaıdy.
Jýrnalısterdiń málimetinshe, aýrýhananyń qojaıyndary bılikke ózderi kelgen, qazirgi ýaqytta olar qamaýǵa alyndy. Tekserý jumystary anyqtaǵandaı, aýrýhana órt sóndiretin qurylǵylarmen qamtamasyz etilmegeni málim boldy. Olardyń ústinen qyzmetterine selqos, enjerlyq tanytqany úshin qylmystyq is qozǵaldy.
Órt keshe jergilikti ýaqyt boıynsha túngi 02.00-de tez janatyn zattar saqtalǵan Dhakýrııa aýdanynyń ońtústigindegi AMRI jertólesinen shyqqan. Órttiń neden shyqqanyn sarapshylar zerttep jatyr.
Sońǵy málimetter boıynsha, qaza tapqan adamdardyń sany 73-ke jetip otyr. Atap aıtqanda, 70 emdelýshi men 3 medbıke. Qutqarýshylardyń kómegimen 90 adam qaýipsiz aımaqqa kóshirilgen. Olardyń kóbisine medıtsınalyq kómek qajet.
