Úndistanda órt saldarynan 18 adam qaza tapty
NUR-SULTAN. QazAqparat – Úndistannyń batysyndaǵy Bharýh qalasynda aýrýhanada bolǵan órt saldarynan 18 adam qaza tapty. Bul týraly QazAqparat Hindustan Times gazetine silteme jasap habarlaıdy.
«Jergilikti ýaqytpen saǵat 06:30-daǵy jaǵdaı boıynsha, aýrýhanadaǵy órtten qaza bolǵandar sany 18 adamdy qurady. Órtten keıin 12 ólim oqıǵasy rastaldy», - dep habarlady jergilikti polıtsııa ókili.
Onyń aıtýynsha, koronavırýs bóliminde em alyp jatqan 12 patsıent órtten nemese órtengen zattardan shyqqan ýly ıis saldarynan ajal qushqan. Qalǵan alty adamnyń órtten be, álde basqa aýrýhanalarǵa jetkizý kezinde qaza boldy ma, ol ázirge belgisiz.
Agence France-Presse málimetinshe, tlsiz jaý 16 patsıent pen eki meıirbıkeniń ómirin qıyp áketti.
