Úndistanda ondaǵan mektep oqýshysy mingen avtobýs ózenge qulap ketti
NUR-SULTAN. QazAqparat – Úndistanda ishinde birneshe ondaǵan mektep oqýshysy bar mektep avtobýsy ózen kanalyna qulap ketti. Bul týraly International Business Times basylymy habarlady.
Apat 13 tamyz kúni tańerteń Mýmbaıdan 100 shaqyrym qashyqtyqta Maharashta shtaty Palghar okrýginde bolǵan. Avtobýs Pıvlı-Vada tas jolymen kele jatyp, qulap ketken. Polıtsııanyń málimetinshe, jolǵa kenetten shyǵa kelgen áıeldi basyp ketýden qashqan júrgizýshi rýlge ıe bola almaı qalǵan.
Jol-kólik oqıǵasy saldarynan 49 jasóspirim jaraqat aldy. Barlyq zardap shegýshiler jaqyn jerdegi aýrýhanaǵa jetkizildi.
