Úndistanda oq-dári qoımasyndaǵy órt saldarynan 17 sarbaz qaza tapty
ASTANA. QazAqparat - Úndistannyń soltústigindegi Maharashtra shtatyndaǵy oq-dáriler qoımasynda bolǵan órt saldarynan kem degende 17 sarbaz qaza tapty, dep habarlady jergilikti bılikke siltememen Bı-bı-sı. Órt sóndirýshiler jalynmen kúresip jatyr. Onyń neden paıda bolǵany ázirge belgisiz bolýda.
Órttiń sońy birneshe jarylysqa ulasyp, kórshiles kentterdiń myńǵa jýyq turǵyny qaýipsiz jerge ketýge májbúr boldy.
Sońǵy jyldary Úndistanda oq-dáriler qoımalarynda órt oqıǵalary jıi oryn alyp jatyr. 2010 jyly eldiń shyǵysyndaǵy iri qoımalardyń birinde bolǵan órt birneshe jarylysqa ákelip soqtyrǵan, abyroı bolǵanda, eshkim zardap shekken joq.
2007 jyly Anantnag aýdanyndaǵy birneshe kenttiń turǵyndary qoımadaǵy jarylystan keıin qaýipsiz jerge kóshirildi. Órt saldarynan 25 adam zardap shekti.
2000 jyly eldiń soltústigindegi Bharatpýrdaǵy oq-dáriler qoımasynda bolǵan órt eki adamnyń ólimine ákelip soqtyrdy. Odan keltirilgen shyǵyn 90 mln. dollarǵa jýyq somany quraǵan.
