Úndistanda nóserden 15 adam ajal qushty
ASTANA. QazAqparat - Úndistannyń ortalyq bóligindegi Madhıa-Pradesh shtatynda sońǵy kúnderi tolassyz jaýǵan jańbyrdan 15 adam ajal qushty. Bul týraly shtat basshysy málimdedi, dep jazady 24.kz.
Tosyn qaýipke baılanysty aımaqtaǵy 51 aýmaqtyń barlyǵy tótenshe jaǵdaıǵa daıyndalýda. Al úkimet baspanasyn sý basqan turǵyndarǵa gýmanıtarlyq kómek kórsetýge qam jasap jatyr. Kóńili alań jurtty aldaǵy aýa raıy boljamy da mazasyz kúıge túsirip otyr. Mamandardyń aıtýynsha, shelektep quıǵan jańbyr 12-shi shildege deıin tolas tappaıdy.
