Úndistanda nóser jaýyn jaýyp, ondaǵan adam mert boldy, myńdaǵan aýyl sý astynda qaldy
NЬıÝ-DELI. QazAqparat – Úndistannyń soltústik-shyǵysynda qatty nóser jaýynnyń saldarynan bolǵan sý tasqynynan 50 adam mert bolyp, eki mıllıonnan astam adam zardap shekti, dep habarlaıdy BBC News agenttigine silteme jasap.
Nóser jaýynnan Assam shtatynda myńdaǵan aýyldy sý basty. Úı-kúısiz qalǵan adamdardy baspanamen qamtamasyz etý úshin júzdegen lager ashyldy. Shtat bıligi 60 000-nan astam adamdy ýaqytsha baspanamen qamtamasyz etý úshin 20 aýdanda 480 kómek lagerin uıymdastyrdy. Shtattyń keıbir bólikterindegi joldardy, úıler men ǵımarattardy tolyǵymen sý basqan.
Aımaqtaǵy mýsson maýsymyndaǵy jaýyn-shashyn – ádettegi qubylys. Mysaly, ótken jyly tabıǵı apat saldarynan shtattyń mıllıondaǵan turǵyndary, sondaı-aq olardyń Nepal men Bangladeshtegi kórshileri zardap shekti.
2019 jyly Úndistannyń Assam jáne Bıhara shtattarynda mýsson maýsymynda sý tasqyny saldarynan 100-ge jýyq adam qaza tapty. Biraq bıylǵy jyly, Úndistan apattan basqa asa qaýipti jaýmen arpalysýda. Atap aıtsaq munda koronavırýs ınfektsııasyn juqtyrǵandar sany kóbeıýde.
Búginde Úndistanda 936 181 koronavırýs ınfektsııasyn juqtyrý jaǵdaıy tirkeldi. Bul indetten elde 24 309 adam kóz jumdy.
