Úndistanda nóser jaýyn saldarynan qurban bolǵandar sany 66 adamǵa jetti
Osyǵan deıin 50 adamnyń qurban bolǵany habarlanǵan. Úndistannyń soltústik Hımchal-Pradesh jáne Ýttarakhand shtattaryna jeksenbi men dúısenbi kúni mol kólemde nóser jaýyn jaýyp, sonyń saldarynan kóshkin júrip, úıler qırady.
Ásirese Hımachal-Pradesh shttynda kóp adam ólgen. Bul óńirde sársenbi kúngi málimetter boıynsha 60 adamnyń mert bolǵany belgili. Shımala shtatynda jaýynnan hramnyń ǵımaraty búlinip, 12 adam mert bolǵan. Qalada tabıǵat apaty saldarynan barlyǵy 20 adam kóz jumǵan. Kórshiles Ýttarakhand shtatynda keminde 6 adam mert bolyp, taǵy 7-ýi izdestirilp jatyr.
Jaýyn mólsheriniń tym zor bolýyna baılanysty atalǵan eki shatattaǵy joldardyń keıbir bóligi jabyldy. Jergilikti bılik ókilderi týrısterge jaqyn kúnderi bul jerge barmaý kerektigin eskertti. Meteorologtar óńirde kún 19-shy tamyzǵa deıin jańbyrly bolatynyn aıtyp otyr.
The Pioneer basylymynyń jazýynsha, qutqarýshylar Sammer-Hıll men Krıshna-Nagar aýdandarynan ındýıster hramy men ózgeder úılerdiń qıraǵan jerinen 20 adamnyń máıitin tapty. Qırandylar astynda taǵy keminde 10 adam bar. Іzdeý jumystary jalǵasýda. Sársenbi kúni nóser jaýyn saldarynan Hımachal-Pradeshte barlyq oqý oryndary jabylyp qaldy.
Shtatyń bas mınıstri Sýhvınder Sıngh Sýkhý keıingi birneshe kúnde ylǵaldyń 157% artýy úlken ekonomıkalyq shyǵynǵa soqtyrǵanyn aıtty.
Hımachal-Pradesh ákimshiligi Úndistan úkimetin shtatty tótenshe apat bolǵan aımaq dep jarııalap, tabıǵattyń dúleı kúshiniń saldarymen kúreske shuǵyl kómek kórsetýge shaqyrdy.
