Úndistanda neke toıynda gaz ballon jarylyp 7 adam qaza tapty
ASTANA. QazAqparat - Úndistannyń soltústiginde gaz ballon jarylyp, jeti adam qaza tapty, 15 adam jaralandy, dep habarlady life.ru.
Jergilikti BAQ-tyń aqparattarynda oqıǵa Ýttar-Pradesh shtatynda neke toıyna as ázirleý kezinde bolǵan. Zardap shekken adamdar jergilikti aýrýhanaǵa jetkizildi, olardyń ekeýi aýyr halde jatyr.
«Jarylystan eki áıel men bes bala mert boldy, 15 adam jaralandy», - dep jazady «RIA Novostı» polıtsııa ókiliniń sózine silteme jasaı otyryp.
Jarylys saldarynan oqıǵa ornyna jaqyn ornalasqan úıler órtendi.
