Úndistanda naızaǵaıdan 30 adam ajal qushty
ASTANA. QazAqparat - Senbi kúni Úndistandaǵy Orıssa shtatynda naızaǵaı soǵyp, 30 adam qaza tapty, 36-sy jaraqattandy, dep habarlady RIA Novostı jergilikti BAQ-qa silteme jasap.
Bul qaıǵyly oqıǵalar Bhadrak pen Balasor okrýgterinde kóbirek tirkelgen. Olardyń árqaısysynda kem degende jeti adamnan ólgen. Taǵy altaýy Khýrda okrýginde ajal qushqan.
Úndistanda mýssondyq jańbyr maýsymy kezinde jaı túsip qaza tabatyndar az bolmaıdy. Atap aıtqanda, maýsymnyń aıaǵynda bir túnniń ishinde soltústik jáne soltústik-shyǵys shtattarynda naızaǵaı soqqysynan 100-ge jýyq adam o dúnıege attandy.
