Úndistanda naızaǵaı soǵyp, 20 adam qaza tapty
NЬıÝ-DELI. Sınhýa-QazAqparat – Dúısenbi kúni Úndistannyń Batys Bengalııa shtatynda naızaǵaı soǵyp, kem degende 20 adam mert boldy, taǵy úsheýi zardap shekken, dep habarlady QazAqparat Sınhýa agenttigine silteme jasap.
Jergilikti BAQ-tyń habarlaýynsha, sol kúni Batys Bengalııada kóptegen adam qaza taýyp, zardap shekken. Osylaısha, Mýrshıdabad jáne Hýglı okrýgterinde aýa-raıynyń qolaısyz jaǵdaıy saldarynan toǵyz adam mert bolǵan. Zardap shekkender medıtsınalyq mekemelerge jetkizildi.
Úndistan premer-mınıstri Narendra Modı sol kúni adamdardyń qazasyna baılanysty kóńil aıtyp, mert bolǵandar men zardap shekkenderdiń otbasy múshelerine aqshalaı kómek kórsetiletinin málimdedi.
Ádette, Úndistanda naızaǵaıly jańbyr maýsymy jyl saıyn maýsym aıynan qyrkúıekke deıin jalǵasady.
