Úndistanda náreste krematsııalaý aldynda tirilip ketti
ASTANA. QazAqparat - Úndistan astanasy Delıde dárigerler shetinedi degen sábı krematsııalaý aldynda kózin ashqan, dep jazady ANI.
Max Hospital medıtsınalyq ortalyǵynyń qyzmetkerleri jańa týǵan egizderdiń biri óli týyp, ekinshisine ókpeniń jasandy ventılııatsııalaý apparatyn qosý qajettigin aıtqan. Dárigerler alǵashqy úsh kúndik emdeý úshin egizderdiń ata-anasynan 1,5 myń dollar surap, al odan sábıdiń aýrýhanada ótkizgen árbir kúni úshin 775 dollardan tóleýdi talap etken. Onyń ústine bala ómir súrip ketýi úshin úsh aı aýrýhanada jatýy tıis edi.
Very unfortunate incident, have asked Delhi government to look into it the matter and take necessary action: Union Health Minister JP Nadda on Max Hospital medical negligence issue #Delhi pic.twitter.com/WBPtlhlVH6
— ANI (@ANI) 1 dekabrıa 2017 g.
Oǵan shamasy jetpegen ata-ana sábıdi basqa aýrýhanaǵa jatqyzbaq bolady. Sodan keıin dárigerler bala shetinedi degendi aıtady. Olar qaıǵysy qalyńdaı túsken ata-anaǵa syńarlar salynǵan eki polıetılen paketti tapsyrady.
Alty saǵattan soń, súıegin krematsııalaý aldynda ǵana nárestelerdiń áke-sheshesi paketterdiń biri qımyldaı bastaǵanyn ańǵaryp qalady. Lezde paketti jyrtyp, balany jýyq mańdaǵy aýrýhanaǵa jetkizedi. Qazir náresteniń jaǵdaıy turaqty.
Úndistan densaýlyq saqtaý mınıstri Djagat Prakash Nadda muny jantúrshigerlik oqıǵa dep atap, Delı úkimetine buǵan tıisti sharalar qarastyrýdy tapsyrdy.
Jergilikti quqyq qorǵaý organdary oqıǵa boıynsha tergeýdiń bastalǵanyn habarlady.
