Úndistanda muzdyq qulaǵan kezde qaza tapqandar sany 67-ge jetti
NЬıÝ-DELI. QazAqparat – Úndistannyń soltústigindegi Ýttarakhand shtatynda 7 aqpanda bolǵan muzdyqtyń qulaýynan qaza tapqandar sany 67-ge jetti, dep habarlaıdy QazAqparat Latestly aqparattyq portalyna silteme jasap.
Jeksenbi kúngi jergilikti polıtsııanyń deregine qaraǵanda shamamen 140 adam iz-túzsiz joǵalyp ketti. Ázirge tek 37 máıittiń kim ekeni anyqtaldy. Al 18 aqpanda NDTV telearnasy 61 adamnyń qaza tapqanyn habarlady.
Senbi jáne jeksenbi kúnderi áskerı súńgýirler muzdyq qulaǵannan keıin Rıshıgangı ózeni aımaǵynda paıda bolǵan kólge zertteý júrgizdi. Muz ben balshyq massasy ózenge quıatyn bulaqtyń saǵasyn jaýyp tastaǵan. Sý resýrstary jónindegi ortalyq komıssııanyń málimetteri boıynsha, paıda bolǵan kóldiń uzyndyǵy 400 m, eni - 25 m, tereńdigi - 60 m.
Muzdyq 7 aqpanda tańerteń Rıshıganga aǵatyn Dhaýlıganga ózeniniń alqabyndaǵy Chamolı okrýginde qulady. Bul aýdanda qýattylyǵy 520 MVt bolatyn sý elektr stantsııasy salynýda. Osy taýly aımaqtyń damýy úshin eń mańyzdylarynyń biri bolyp sanalatyn jobadaǵy bóget tolyǵymen joıyldy. Sondaı-aq, bes kópir qırady, tómengi aǵystaǵy taǵy bir gıdroenergetıkalyq joba zaqymdaldy.
