Úndistanda munaı óndeý zaýytyndaǵy órt 7 adamnyń ómirin qıyp ketti
NUR-SULTAN. QazAqparat – Mýmbaıǵa jaqyn mańdaǵy eldiń ońtústik-batys shtaty Maharashtrada ornalasqan munaı óńdeý zaýytynda órt shyqty. Saldarynan eń kem degende jeti adam mert bolyp, ekeýi zardap shekti, dep habarlaıdy QazAqparat NDTV telearnasyna silteme jasap.
Telearnanyń málimetinshe, jergilikti ýaqyt boıynsha tańǵy 07:00-de Úndistannyń ONGC memlekettik munaı-gaz korporatsııasy kásiporyndarynyń birinen órt shyqqan.
Zaýyttyń bes jumysshysy men eki órt sóndirýshi tilsiz jaýdyń qurbany boldy.
ONGC qazirgi ýaqytta órttiń aýyzdyqtalǵanyń jáne jalynnyń óndiris tsehtaryna jaıylmaǵanyn málim etti.
