Úndistanda mektep avtobýsy shatqalǵa qulap, 9 oqýshy qaza tapty
NUR-SULTAN. QazAqparat – Seısenbi kúni Úndistannyń soltústik shtaty Ýttarakhandta mektep avtobýsy shatqalǵa qulap ketti. Saldarynan toǵyz oqýshy qaza taýyp, taǵy úsheýi aýyr jaraqat aldy, dep habarlaıdy QazAqparat indiatoday.in saıtyna silteme jasap.
Jergilikti mekteptiń 18 oqýshysyn tasymaldaǵan avtobýs taý betkeıindegi jolda dońǵalaǵy taıyp ketip, aýdarylǵan.
Aldyn ala aqparatqa sáıkes, júrgizýshi taýly joldyń kúrdeli bóliginde rýlge ıe bola almaı qalǵan. Polıtsııa oqıǵanyń mán-jaıyn anyqtaýǵa kiristi.
