Úndistanda maımyldardyń úılený toıy ótti - FOTO
ASTANA. QazAqparat - Úndistanda erekshe úıleneý toıy ótti. Sheteldik BAQ-tyń habarlaýynsha, Úndistan turǵyny eki maımyldyń úılený toıyn jasaǵan. Bul toıǵa 200-den astam qonaq jınalǵan. Tipti kórshiles aýyldardan da kelgen.
Úndistandyq Ýdesh Mahto Ramý esimdi martyshkany 7 jyl buryn satyp alǵan. Oǵan Ramýdyń jaqyn bolǵany sondaı, ol keıde maımyldy ulym dep te ataıtyn. Keıin Ýdesh Ramýǵa serik bolsyn dep Ramdýları atty taǵy bir maımyldy satyp alǵan.
«Alǵashynda olar bir-birin asa jaqtyrmaıtyn. Keıin olardyń arasynda mahabbat paıda boldy. Sodan keıin men olardy úılendirmekke bekindim», - deıdi ol.
Toı kezinde maımyldardy lımýzııniń tóbesine mingizip qoıyp, aýyl ishin aralatty. Kelgen qonaqtar bı bılep, qalyńdyq pen kúıeý jigitke gúl shashty. Neke qııý rásimin jergilikti din qyzmetshisi ótkizdi. úndisterdiń mıfologııasynda maımyldardyń alatyn orny erekshe, olar kóbine shirkeýlerde turady.
