Úndistanda maımyldar dinı qyzmetkerdi taspen atqylap óltirdi
ASTANA. QazAqparat - Úndistanda maımyldar Mýnna Mırsha esimdi ǵıbadathana qyzmetkerin úıiniń shyǵaberisin tazalap jatqan kezinde taspen atqylap óltirdi, dep jazady sheteldik BAQ.
Maımyldar dindarǵa tas boratqan. Er adam aýyr jaralanyp, aýrýhanaǵa jetkizilgenimen dárigerler onyń ómirine arasha túse almady.
Úndistan bıligi bul oqıǵa maımyldardyń adamǵa jasaǵan alǵashqy shabýyly emes ekenin málimdep otyr. Sońǵy ýaqytta úsh adam olardyń qurbanyna aınalypty, dep habarlaıdy jergilikti «Express» basylymy. Jergilikti bılik dindardyń óliminen keıin maımyl aýlaýdy bastaý týraly sheshimin qabyldady. Foto: express
