Úndistanda Maıkl Djeksonǵa arnalǵan eskertkish qoıyldy
ASTANA. QazAqparat - Úndistannyń ońtústigindegi Chennaı qalasynda Maıkl Djeksonnyń qurmetine eskertkish qoıyldy. Mýzykanttyń ónerine tabynýshy monýmentti Neverland ranchosyna ornatsyn degen nıetpen Djeksonnyń týystaryna syılamaq bolǵan, alaıda olar bul syıdan bas tartty.
BBC atap ótkendeı, Maıkl Djeksonnyń ónerine tabynýshy Chandrasekaran qara granıtten mýzykanttyń beınesin jasatý úshin músinshilerdi jaldaǵan.
Eskertkish belgili akter jáne rejısser Prabhý Deva qaraýyndaǵy Vels ýnıversıtetiniń aýmaǵyna ornalastyryldy. Ártis Maıkl Djeksonnyń qımyl-qozǵalystaryna uqsas bıimen kópshilikke tanylǵan.
Salmaǵy 3,5 tonnany quraıtyn músindi 45 kúnde alty músinshi jasaǵan.
