Úndistanda maoıster avtobýs pen jedel járdem kóligin jaryp jiberdi
ASTANA. QazAqparat - Úndistanda Chhattısgarh shtatynyń saılaý komıssııasy otyrǵan avtobýsqa bomba qoıylyp, jarylystan 5 adam qaza boldy, dep habarlaıdy ITAR-TASS.
Oqıǵa Bıdjapýr okrýginde oryn aldy. Onda beısenbi kúni parlament saılaýynyń kezekti kezeńi ótken bolatyn. Sonyń nátıjesi boıynsha Úndistannyń úkimeti qurylmaq. Ony maoıster uıymdastyrǵan dep málimdelýde. Olar sonymen birge Sýkma okrýginde jedel járdem kóligin jaryp jiberdi. Saldarynan 5 polıtsııa qyzmetkeri qaza boldy, taǵy alty adam zardap shekti.
