Úndistanda maoıster 24 polıtseıdi óltirdi
ASTANA. QazAqparat - Úndistandyq Chhattısgarh shtatynda kóterilisshi -maoıster 24 polıtsııa qyzmetkerin óltirdi. Bul týraly dúısenbide belgili boldy dep habarlady BBC News.
Tártip saqshylary Sýkma okrýginde jol salyp jatqan jumysshylardy kúzetip turǵan.
Keı derekterde olarǵa 300 sodyr shabýyldaǵany aıtylady.
Osyndaı shabýyl óńirde 11 naýryzda da bolǵan, ol kezde 12 polıtseı kóz jumdy.
Qarýly maosıt toby Úndistanda ótken ǵasyrdyń 60-shy jyldarynan beri bar. Maqsattary el aýmaǵynda ózin-ózi basqaratyn «erkin aımaq» qurý.
Naksalıtterge birneshe atyshýly lańkestik pen shabýyldar jasady degen kúdik taǵylýda. 2016 jyly naýryzda olar uıymdastyrǵan shabýyl saldarynan Chhattısgarh shtatynda jeti polıtseı qaza tapqan. Chhattısgarhta polıtsııa qyzmetkerlerine iri shabýyl 2010 jyly bolǵan, ol kezde sodyrlar 75 polıtseıdi óltirgen. Sodan keıin memleket óńirde aýqymdy lańkestikti baqylaý operatsııasyn bastaǵan.
